तुमचा बच्चन तर आमचा रणवीर, भारतीय क्रिप्टो बाजारांत काटे की टक्कर

रणवीर सिंग कॉईनस्विच कुबेरसाठी ‘कुछ तो बदलेगा’ मोहिमेसाठी तीन जाहिरातींत दिसणार आहे. कंपनीच्या यूट्यूब चॅनेलवर पहिली जाहिरात फिल्म आधीच अपलोड केली आहे. कंपनीने एका निवेदनात म्हटले आहे की, “जाहिरातीत भारतीयांसाठी विशेषत: टीयर 2 आणि टियर 3 शहरांमध्ये राहणाऱ्यांसाठी क्रिप्टोकरन्सीबाबत माहिती असेल.” प्रत्येक जाहिरात ही कॉईनस्विच कुबेर प्लॅटफॉर्मचे वेगळे वैशिष्ट्य दर्शविण्यासाठी डिझाइन केलेली आहे, असे त्यात म्हटले आहे.

कॉईनस्विच कुबेरचे, सह-संस्थापक आणि सीईओ आशिष सिंघल म्हणाले, “आमच्या कुछ तो बदलेगा मोहिमेत रणवीर सिंगला दाखवून आम्ही टियर 2 आणि टियर 3 शहरात प्रसिद्धी करत आहोत. आम्हाला सर्व भारतीयांना क्रिप्टो स्पेसमध्ये असलेल्या संधीची आणि गुंवतणुकीसाठी एका सहजसाध्य पर्यायाच्या उपलब्धतेची जाणीव करुन द्यायची आहे.”

याबद्दल बोलताना, अभिनेता रणवीर सिंह म्हणाला, “भारतातील क्रिप्टो इंडस्ट्रीसाठी हा एक महत्वाचा काळ आहे. भारताचा सर्वात मोठा क्रिप्टो ॲसेट प्लॅटफॉर्म कॉईनस्विच कुबेरचा ब्रँड ॲम्बेसेडर म्हणून काम करण्याचा आनंद आहे.”

तो म्हणाला, “कंपनी भारतातील क्रिप्टो क्रांतीमध्ये एक प्रमुख प्लेअर आहे आणि मी त्यांच्या प्रवासाचा एक भाग बनल्याचा मला आनंद आहे.”