LIC IPO साठी ‘ ही ‘ आहे मुख्य अडचण, अर्थमंत्र्यांनी दिली माहिती

The government is pushing to get the initial public offering of state-backed Life Insurance Corp. of India across the line by next March

On Oct 19, 2021

अर्थमंत्री निर्मला सीतारामन यांनी सांगितले की, सरकार लाइफ इन्शुरन्स कॉर्पोरेशन ऑफ इंडियाचा IPO पुढील मार्चपर्यंत आणण्याचा प्रयत्न करीत आहे आणि यात राजकीय इच्छाशक्तीच्या अभावामुळे कसलाही विलंब होणार नाही.

चालू आर्थिक वर्षात IPO येईल का? असे विचारल्यावर सीतारामन यांनी ब्लूमबर्गला दिलेल्या मुलाखतीत सांगितले, “आम्ही IPO आणण्यासाठी प्रयत्न करत आहोत.आम्ही IPO विरोधात नाही.

सीतारामन म्हणाल्या, LIC साठी एकूण साइझचे अंतर्गत मूल्यांकन झालेले नाही. त्या म्हणाल्या, 65 वर्षात विमा कंपनीचे कधीही मूल्यमापन झाले नाही, हे लक्षात घेता, प्रक्रियेला वेळ लागेल.

“म्हणून सदर विलंब हा राजकीय इच्छाशक्तीच्या अभावामुळे झालेला नाही,” त्या म्हणाल्या.

सीतारामन यांनी फेब्रुवारी २०२० मध्ये विमा कंपनीचे शेअर्स विकण्याच्या योजनांची घोषणा केली, परंतु कोविडमुळे ही प्रक्रिया मंदावली. त्यांनी फेब्रुवारीमध्ये या ऑफरचे पुनरुज्जीवन केले, जे गुंतवणूकदार आणि बँकर्ससाठी महत्त्वाचे आहे. सरकारने सदर विक्रीसाठी बँकर्स आणि कायदेशीर सल्लागारांची नेमणूक केली आहे आणि स्टेकहोल्डरसोबत बैठका घेतल्या आहेत.

भारताच्या म्युच्युअल फंड उद्योगाच्या आकारमानाच्या बरोबरीने, 511 अब्ज डॉलर्सपेक्षा जास्त ॲसेट असलेल्या आणि देशाच्या दोन तृतीयांश बाजारावर नियंत्रण ठेवणाऱ्या ह्या विमा कंपनीचे मूल्यमापन करणे कित्येक महिन्यांपासून सुरू आहे.सरकार 10% पर्यंत स्टेक विकून 10 ट्रिलियन रूपये ($ 133 अब्ज) जमा करू इच्छित आहे. एकूण 5% हिस्सा विकल्याने LIC भारताचा सर्वात मोठा IPO बनेल.

LIC IPO सरकारसाठी महत्त्वपूर्ण आहे, कारण चालू आर्थिक वर्षात मालमत्ता विक्रीद्वारे 1.75 ट्रिलियन रुपये उभारण्याची त्यांची योजना आहे.