रिलायन्सची आता डंझोमध्ये गुंतवणूक, उभारला ‘इतका’ निधी

रिलायन्स इंडस्ट्रीज लिमिटेडच्या रिटेल आर्मने डन्झोमध्ये 200 मिलियन डॉलरची गुंतवणूक केली आहे. ही गुंतवणूक डन्झोला आणखी वाढण्यास आणि “देशातील सर्वात मोठा कॉमर्स बिजनेस बनण्यास मदत करेल.

डन्झो, झटपट डिलिव्हरीसाठी प्रसिद्ध आहे.रिलायन्स रिटेलच्या नेतृत्वाखालील फंड राऊंडमध्ये 240 मिलियन डॉलर उभारले गेले. Dunzo चे विद्यमान गुंतवणूकदार Lightbox, Lightrock, 3L Capital आणि Alteria Capital यांनीही या राऊंडमध्ये भाग घेतला.

या निधीमुळे डन्झोला मायक्रो वेअरहाऊसच्या नेटवर्कमधून आवश्यक वस्तू त्वरित वितरित करण्यात मदत होईल. शिवाय, भारतीय शहरांमधील स्थानिक व्यापार्‍यांसाठी लॉजिस्टिक सक्षम करण्यासाठी ते आपला B2B व्यवसाय विस्तारित करतील.

भारतातील सात मेट्रो शहरांमध्ये उपलब्ध असलेल्या, डन्झोने आधीच क्विक कॉमर्स श्रेणीतील मार्केट लीडर म्हणून स्वतःला स्थापित केले आहे. नवीनतम भांडवलासह, प्लॅटफॉर्मचे उद्दिष्ट हे 15 शहरांपर्यंत पोहोचण्याचे आहे.

फंड उभारण्या व्यतिरिक्त, डन्झो आणि रिलायन्स रिटेल काही व्यावसायिक भागीदारी देखील करतील. रिलायन्स रिटेलद्वारे चालवल्या जाणार्‍या रिटेल स्टोअरसाठी डंझो हायपरलोकल लॉजिस्टिक्स सक्षम करेल तसेच रिलायन्स रिटेलच्या सर्व-चॅनेल क्षमतांमध्ये आणखी भर घालेल. Dunzo JioMart च्या व्यापारी नेटवर्कसाठी लास्ट माईल डिलिव्हरी देखील उपलब्ध करेल.