Cricket Cameraman Salary: तुम्हीही कमवू शकता लाखो रुपये; जाणून घ्या पात्रता, काम आणि कमाईची संधी

लहान असो वा मोठा सर्वांच्या आवडीचा खेळ म्हणजे क्रिकेट. संपूर्ण परिवार एकत्र बसून टीव्हीवर क्रिकेट सामना पाहणे हा एक अनोखा अनुभव असतो. जेव्हा आपण टीव्ही, मोबाईल किंवा कॉम्प्यूटरवर लाईव्ह सामने पाहतो तेव्हा स्टेडियममध्ये दिसणाऱ्या प्रत्येक शॉट, चौकार, षटकार किंवा विकेट खूप तपशीलवार दाखवल्या जातात. परंतु या शॉट्समागे कॅमेरामनचे कठोर परिश्रम असतात. जर तुम्हाला या सामन्यांचे रेकॉर्डिंग करणारा कॅमेरामन म्हणून नोकरी मिळवायची आहे आणि त्यांचा पगार किती असतो हे जाणून घेण्याची उत्सुकता असेल, तर बातमी संपूर्ण वाचा.

क्रिकेट कॅमेरामनचे काम काय?

क्रिकेट सामन्यांदरम्यान (Cricket ) अनेक प्रकारचे कॅमेरे दिसून येतात, जसे की पिच कॅमेरा, बाउंड्री कॅमेरा, स्लो-मोशन कॅमेरा, स्पायडर कॅमेरा आणि स्टंप कॅमेरा. तर, कॅमेरामनचे काम योग्य वेळी योग्य दिशेने शूट करणे आहे. जेणेकरून प्रत्येक कोपरा दशकांपर्यंत उत्तम प्रकारे शुट केला जाईल. म्हणूनच, कॅमेरामनला क्रिकेटपटूच्या खेळाचा अंदाज असणे गरजेचे आहे. लाईव्ह सामन्यादरम्यान चुकांना जागा नसते, म्हणून सामन्यावर लक्ष केंद्रित करणे, त्यावर जलद प्रतिक्रिया देणे आवश्यक आहे.

क्रिकेट सामन्याच्या रेकॉर्डिंगची नोकरी कशी मिळवायची

क्रिकेट कॅमेरामनची नोकरी मिळविण्यासाठी, तुमच्याकडे मास कम्युनिकेशन, फिल्म मेकिंग किंवा सिनेमॅटोग्राफीमध्ये पदवी किंवा डिप्लोमा असणे गरजेचे आहे. व्यावसायिक व्हिडिओ कॅमेरे, लेन्स आणि लाईव्ह ब्रॉडकास्ट उपकरणे चालवण्याचे प्रशिक्षण किंवा प्रमाणपत्र आवश्यक आहे.
जर तुम्हाला कोणत्याही टीव्ही चॅनेल, प्रॉडक्शन हाऊस किंवा स्पोर्ट्स ब्रॉडकास्ट कंपनीत इंटर्नशिपचा अनुभव असेल तर ते चांगले, कारण यामुळे तुम्ही लवकर निदर्शनास येता. छोट्या स्पर्धा, स्थानिक सामने यांचा समावेश असलेला तुमचा स्वतःचा पोर्टफोलिओ तयार करून तुम्ही तुमचा अनुभव वाढवू शकता. मोठ्या क्रिकेट सामन्यांमध्ये, सहसा फक्त क्रीडा चॅनेल आणि प्रसारण कंपन्या कॅमेरामन नियुक्त करत असतात.

क्रिकेट कॅमेरामनचा पगार किती असतो?

क्रिकेट कॅमेरामनचा पगार (Cricket Cameraman Salary) त्याच्या अनुभवावर आणि कामावर अवलंबून असतो. सुरुवातीचा पगार दरमहा २०,००० ते ३५,००० हजार असतो, २ ते ५ वर्षांचा अनुभव असलेले ४०,००० ते ७०,००० रुपये कमावतात आणि मोठ्या स्पर्धा आणि आंतरराष्ट्रीय सामन्यांसाठी ते प्रति सामना ५०,००० ते १००,००० रुपये कमवू शकतात. क्रिकेट कॅमेरामनचे काम सोपे नाही मात्र तुम्हाला खेळाची आणि कॅमेराची आवड असेल तर याची सांगड घालून तुम्ही एक आव्हानात्मक आणि उच्च पगाराचे काम करू शकता.