रिलायंस घेणार आता ‘गॅप’ चे माप, लवकरच अधिकृत करार होण्याची शक्यता

रिलायन्स रिटेल, अमेरिकन फॅशन ब्रँड गॅपची फ्रँचायजी होण्याचा निर्णय घेत आहे. काही महिन्यांपासून रिलायन्स आणि गॅप यांची चर्चा सुरु होती.

रिलायन्स रिटेल भारतात विकल्या जाणाऱ्या सर्व गॅप उत्पादनांच्या 100% निर्मितीसाठी मोठी सवलत मिळवण्यात यशस्वी झाली आहे. मागील फ्रँचायझी अरविंद फॅशनपेक्षा हा आकडा 70% जास्त आहे.

अमेरिकेतील गॅपच्या प्रवक्त्याने सांगितले की कंपनी सध्या यावर वर टिप्पणी देऊ शकत नाही. रिलायन्स रिटेलने देखील यावर प्रतिसाद दिला नाही. गेल्या वर्षी अरविंद फॅशन्ससोबतचे संबंध तोडल्यानंतर गॅप सुमारे एक वर्षापासून भारतात पार्टनरचा शोध घेत होती.

अरविंद फॅशन्स, भारतातील ब्रँडसाठी स्थानिक सोर्सिंग वाढवूनही भारतातील गॅपचा व्यवसाय फायदेशीर करण्यात अपयशी ठरले होते.

विश्लेषकांनी सांगितले की, झारा, एच अँड एम आणि जपानच्या युनिक्लोसह जागतिक प्रतिस्पर्थ्यांकडून तीव्र स्पर्धेमुळे जगातील अनेक भागांप्रमाणे भारतातील गॅपच्या व्यवसायावर परिणाम झाला आहे.

वजीर सल्लागारचे सह संस्थापक हरमिंदर साहनी यांनी मत मांडताना म्हंटले, “गॅप हा जुना ब्रँड आहे आणि तरीही अमेरिकेत हा कायमचा ब्रँड आहे. अमेरिकन ब्रँडला खाकी, ब्लू जीन्स ,व्हाईट शर्ट आणि पोलो टी-शर्ट घालण्यासाठी भारतात कोण प्रीमियम देईल?” “भारतात पुरेसे ब्रँड आहेत.

अरविंद फॅशन आणि गॅप यांनी पार्टनरशिप रद्द करण्याचे कारण म्हणून साथीच्या रोगाचा उल्लेख केला आहे. अरविंद फॅशन म्हणाले की, मार्च 2020 मध्ये संपलेल्या आर्थिक वर्षात कर भरण्यापूर्वी 34 कोटींच्या तोट्यात अरविंद फॅशन्सच्या एकत्रित उलाढालीत गॅपने सुमारे 4.7% म्हणजेच 182 कोटी इतके योगदान दिले.

रिलायन्स रिटेलच्या मालकीचे ऑनलाइन फॅशन प्लॅटफॉर्म अजिओ आधीच पुरुष, स्त्रिया आणि मुलांसाठी गॅपकडून विक्री करते.