झुनझुनवाला यांनी कमी केले ‘ह्या’ कंपनीतील स्टेक, जाणून घ्या नेमके कारण

गुंतवणूकदार राकेश झुनझुनवाला यांनी 7 ऑक्टोबर रोजी स्टॉक एक्स्चेंजला सूचित केले की त्यांनी कापड उत्पादन कंपनी द मंधाना रिटेल व्हेंचर्समधील आपला स्टेक आणखी कमी केला आहे .

झुनझुनवाला यांनी आपले शेअरहोल्डिंग अंदाजे 2.4 टक्क्यांवर आणले आहे. झुनझुनवाला म्हणाले की गेल्या दोन दिवसात त्यांनी 8.5 लाखांहून अधिक शेअर्स ऑफलोड केले आहेत.

याआधी, 27 सप्टेंबर ते 4 ऑक्टोबर दरम्यान झुनझुनवाला यांनी 4 लाख इक्विटी शेअर्सची विक्री करून 1.8 टक्के स्टेक कमी केला होता.

उल्लेखनीय म्हणजे, बिग बुल 26 सप्टेंबरपर्यंत मंधाना रिटेलमध्ये 17,87,900 इक्विटी शेअर्ससह 8.09 टक्के स्टेकहोल्डर होते.

झुनझुनवाला म्हणाले, “27 सप्टेंबर 2021 पासून 4 ऑक्टोबर 2021 पर्यंत मी 4,05,200 इक्विटी शेअर्स विकले आहेत,जे मंधाना रिटेल व्हेंचर्स लिमिटेडच्या एकूण भांडवलाच्या 1.8349% आहे.

“पुढे 5 ऑक्टोबर 2021 पासून 7 ऑक्टोबर 2021 पर्यंत मी 8,52,200 इक्विटी शेअर्स विकले आहेत, परिणामी मंधाना रिटेल व्हेंचर्स लिमिटेडच्या एकूण पेड अप कॅपिटलमध्ये एकूण 5.6941% बदल झाले.

“माझे एकूण शेअरहोल्डिंग 5,30,500 इक्विटी शेअर इतके आहे जे मंधाना रिटेल व्हेंचर्स लिमिटेडच्या एकूण भांडवलाच्या 2.4023% आहे.

सदर विक्री करण्यापूर्वी, झुनझुनवाला यांनी 17 सप्टेंबर रोजी 65,820 इक्विटी शेअर्स आणि 20 सप्टेंबर रोजी 32,274 शेअर्स ऑफलोड केले होते. ते या कंपनीतील आपला हिस्सा सातत्याने कमी करत आहे, जो या वर्षी जूनमध्ये 12.74 टक्के होता.