धुरळा! ग्रे मार्केट मध्ये धुराळा करतोय ‘हा’ IPO

पारस डिफेन्स अँड स्पेस टेक्नॉलॉजीने पुढील आठवड्यात होणाऱ्या शेअर्सच्या लिस्टिंगपूर्वी, ग्रे मार्केटमध्ये ट्रेडिंग प्रीमियम दरम्यान लक्षणीय वाढ नोंदवली आहे.

आयपीओ वॉच आणि आयपीओ सेंट्रल यांच्या डेटानुसार, ग्रे मार्केटमध्ये पारस डिफेन्सच्या शेअर्सची 230-250 रुपयांच्या प्रीमियमवर विक्री झाली.

या प्रीमियममुळे ग्रे मार्केटमध्ये शेअर्स ची 405-425 रु इतकी ट्रेडिंग किंमत झाली, जी प्रति शेअर 175 रुपयांच्या अप्पर प्राइस बँडच्या तुलनेत 131-143 टक्के जास्त आहे. 16 सप्टेंबर रोजी ट्रेडिंग प्रीमियम 160 रुपये होता.

ग्रे मार्केट हे आयपीओ शेअर्ससाठी अनधिकृत ट्रेडिंग प्लॅटफॉर्म आहे, जिथे इश्यू अधिकृतपणे लिस्टेड होईपर्यंत आयपीओ प्राइस बँडच्या घोषणेने व्यापार सुरू होतो.

ग्रे मार्केट प्रीमियमनुसार कंपनी त्याच्या उत्पादन पोर्टफोलिओ आणि तंत्रज्ञानासह मजबूत स्थितीत आहे, तसेच मजबूत वाढीची देखील शक्यता आहे.

आयपीओने लाही प्रचंड मागणी मिळत आहे. IPO 304.26 वेळा सबस्क्राइब केला गेला होता. 2007 पासून सुरू झालेल्या आयपीओमध्ये ही सर्वाधिक मागणी आहे.

गैर-संस्थात्मक गुंतवणूकदारांनी त्यांच्या राखीव भागाच्या 927.70 पट बोली लावली.पात्र संस्थात्मक खरेदीदारांसाठी ठेवलेला भाग 169.65 वेळा सबस्क्राइब झाला आहे. किरकोळ गुंतवणूकदारांनी त्यांच्यासाठी ठेवलेला भाग 112.81 वेळा खरेदी केला आहे.

चॉईस ब्रोकिंगने सांगितले की, जून 2021 पर्यंत कंपनीकडे 305 कोटी रुपयांची ऑर्डर बुक होती. जी FY21 मध्ये झालेल्या व्यवसायाच्या सुमारे 2.1 पट आहे.

पारस डिफेन्स भारतातील स्पेस ॲप्लिकेशनसाठी ऑप्टिक्स आणि डिफ्रॅक्टिव्ह ग्रॅटींग पुरवणारी एकमेव भारतीय कंपनी आहे. जी भारतीय संरक्षण क्षेत्राच्या चार प्रमुख विभागांना साहित्य पुरवते.

कंपनीने 21-23 सप्टेंबर दरम्यान आपला पब्लिक इश्यू लॉन्च केला, ज्यामध्ये 140.6 कोटी रुपयांचा फ्रेश इश्यू आणि प्रमोटर शरद वीरजी शाह आणि मुंजाल शरद शाह यांच्यासह शेअरहोल्डर्सची विक्री करून 17,24,490 पर्यंत इक्विटी शेअर्सच्या विक्रीची ऑफर उपलब्ध आहे. ऑफरसाठी किंमत बँड 165-175 रुपये प्रति शेअर निश्चित करण्यात आले आहेत.

फ्रेश इश्यूमधून मिळणारी रक्कम मशनरी आणि उपकरणे खरेदी, वाढीव भांडवली गरजा, विशिष्ट कर्जांची परतफेड आणि जनरल कॉर्पोरेट हेतूंसाठी वापरली जाईल.