Tega Industries Ltd चा IPO ठरला या वर्षीचा सर्वात जास्त सबस्क्राइब केलेला तिसरा IPO – वाचा सविस्तर बातमी

Tega Industries Ltd, शुक्रवारी सबस्क्रिप्शनच्या शेवटच्या दिवशी 219 पेक्षा जास्त बिडिंग मिळवून या वर्षी आतापर्यंत तिसरा सर्वात जास्त सबस्क्राइब केलेला IPO बनला.

गैर-संस्थात्मक गुंतवणूकदारांच्या श्रेणीला 666.19 पट, पात्र संस्थात्मक खरेदीदारांना (QIBS) 215.45 पट सबस्क्रिप्शन मिळाले आणि किरकोळ वैयक्तिक गुंतवणूकदारांना (RIIS) 29.44 पट सबस्क्रिप्शन मिळाले.

Tega Industries Ltd IPO च्या शेअर वाटप या आठवड्यात बुधवार, 8 डिसेंबर 2021 रोजी होणे अपेक्षित आहे आणि वाटप झाल्यास, 10 डिसेंबर 2021 रोजी बोलीदारांच्या डिमॅट खात्यात शेअर्स जमा केले जातील. IPO साठी वाटप Link Intime India Private Ltd च्या वेबसाइटवर किंवा BSE वेबसाइटवर तपासले जाऊ शकते.

IPO मध्ये 1,36,69,478 इक्विटी शेअर्सचा समावेश आहे. 443-453 प्रति शेअर्स हा यासाठी प्राइस बँड आहे. Tega Industries ने IPO च्या आधी अँकर गुंतवणूकदारांकडून 186 कोटी कमावले. ऍक्सिस कॅपिटल लिमिटेड आणि जेएम फायनान्शियल ऑफरचे व्यवस्थापक होते.

तज्ञानुसार, Tega Industries चे शेअर्स ग्रे मार्केटमध्ये 425 रू च्या मजबूत प्रीमियमवर उपलब्ध आहेत. कंपनी 13 डिसेंबर रोजी आघाडीच्या स्टॉक एक्स्चेंज BSE आणि NSE वर लिस्टिंग करण्याची योजना आखत आहे.

Tega Industries Ltd आपल्या विस्तृत उत्पादन पोर्टफोलिओद्वारे खनिज , खाणकाम आणि बल्क सॉलिड्स उद्योगात सेवा ऑफर करते. कंपनीची सहा उत्पादन केंद्र आहेत, ज्यात भारतातील तीन, गुजरातमधील दहेज आणि पश्चिम बंगालमधील समली आणि कल्याणी येथे आणि चिली, दक्षिण आफ्रिका आणि ऑस्ट्रेलियाच्या प्रमुख खाण केंद्रांमध्ये तीन साइट आहेत.

या वर्षातील दोन सर्वात मोठे IPO म्हणजे लेटेंट व्ह्यू ॲनालिटिक्स आणि पारस डिफेन्स अँड स्पेस टेक जे ,अनुक्रमे 338 वेळा आणि 304 वेळा सबस्क्राइब झाले आहेत.