टेस्ला भारतात येण्याचे चान्सेस वाढले, सकारात्मक बोलणी सुरू!

जगभरात प्रचंड धुमाकूळ घालणारी इलेक्ट्रिक वाहन कंपनी भारतात कधी येणार यावर खूप चर्चा चालू आहे. परंतू सध्या भारत सरकार यावर लवकरच सकारात्मक निर्णय घेण्याची चिन्हे आहेत.

टेस्ला कंपनीने देशात गुंतवणुकीसाठी उपलब्ध केल्या जाणाऱ्या योजनांची माहिती देऊ केल्यावर भारत सरकार इलेक्ट्रिक वाहन उत्पादक कंपनी टेस्लाला कस्टम ड्युटी मध्ये सवलत देऊ शकते.

आयात शुल्क कमी करण्याच्या टेस्लाच्या मागणीवर स्टेकहोल्डर मंत्रालय विचार करत आहेत. एका अधिकाऱ्याने सांगितले, “आम्ही काही दिलासा देऊ शकतो पण त्यांच्या योजना काय आहेत हे आम्हाला माहित असणे आवश्यक आहे,” कंपनीने ही माहिती दिल्यानंतर अंतिम निर्णय घेतला जाईल.

ईटीने एका आवृत्तीत असे म्हटले होते की जर कंपनी देशात उत्पादन सुरू करण्याबाबत आश्वासन देत असेल तर सरकार इलेक्ट्रिक वाहनांवर (ईव्ही) आयात शुल्क कमी करण्यास तयार आहे. टेस्लाने पूर्णपणे असेंब्लेड इलेक्ट्रिक कारवर ४०% आयात शुल्क मागितले आहे जे सध्याच्या ६०% दराच्या तुलनेत ४०,००० डॉलर कमी आहे.

भारताची सध्याची कस्टम ड्यूटी व्यवस्था इलेक्ट्रिक कार आणि पारंपारिक इंधनावर चालणाऱ्या वाहनांवर शुल्क आकारण्यात फरक करत नाही. पंतप्रधान नरेंद्र मोदी यांनी स्वच्छ ऊर्जा आणि ईव्हीए यावर भर देणार असल्याचे सांगीतले आहे.

इलेक्ट्रिक वाहनांवरील वस्तू आणि सेवा कर १२% वरून ५% करण्यात आला आहे, तर इलेक्ट्रिक वाहनांसाठी चार्जर आणि चार्जिंग स्टेशनवरील कर १८% वरून ५% केला आहे. FAME योजना ईव्हीच्या खरेदीसाठी प्रोत्साहन देते.

टेस्लाचे सीईओ एलोन मस्क यांनी भारताने ईव्हीएसवर लादलेल्या उच्च आयात शुल्काला अधोरेखित करताना म्हटले आहे,”आम्हाला भारतात यायचं आहे, परंतु आयात शुल्क जगातील कोणत्याही मोठ्या देशापेक्षा येथे जास्त आहे!” भारतात कधी येणार ह्या प्रश्नाला उत्तर देताना त्यांनी हे ट्विट केले होते.