भारीच! वेदांतू बनले भारताचे पाचवे एड-टेक युनिकॉर्न स्टार्टअप

29 सप्टेंबर रोजी ऑनलाईन ट्युटरींग फर्म वेदांतूने सांगितले की, त्यांनी 1 अब्ज डॉलर्सच्या मूल्यांकनासाठी आपल्या सीरीज ई राऊंडमध्ये 100 मिलियन डॉलर्स उभारले आहेत.भारतात वाढत्या एड-टेक क्षेत्रात गुंतवणूकदारांचा कल वाढला आहे. बायजूस आणि अनॲकेडेमी सारख्या मोठ्या प्रतिस्पर्ध्यांना रोखण्यासाठी हा फंड उभारला जात आहे.

या राऊंडचे नेतृत्व एबीसी वर्ल्ड एशिया आणि कोट्यू मॅनेजमेंट, टायगर ग्लोबल, जीजीव्ही कॅपिटल, वेस्टब्रिज आणि इतर गुंतवणूकदारांनी केले. यासह, वेदांतू आता युनिकॉर्न क्लबमध्ये प्रवेश करणारा 5 वा भारतीय एड-टेक स्टार्टअप आहे.

वामसी कृष्णा, पुलकित जैन, आनंद प्रकाश आणि सौरभ सक्सेना यांनी 2014 मध्ये वेदांतू स्थापन केले. वेदांतू सध्या K12 विद्यार्थ्यांसाठी थेट कोचिंग क्लासेस पुरवतो, ज्यात इंजिनीअरिंग साठी IIT, JEE Main, Advanced आणि NEET यांचा समावेश आहे. हे सीबीएसई आणि आयसीएसई तसेच विविध राज्य मंडळे, नमुना प्रश्नपत्रिका, पुनरावृत्ती नोट्स, मॉक टेस्ट यांचादेखील पुरवठा करते.

सीईओ कृष्णा सांगितले की,सध्या त्यांच्या प्लॅटफॉर्मवर 35 मिलियन लोक भेट देतात. यातून 500,000 व्यक्ती आम्हाला निधी पुरवतील.

संस्थापक कार्यसंघाचे सदस्य आयआयटीचे पदवीधर आहेत, ज्यांनी पूर्वी लक्ष्य इन्स्टिट्यूटची स्थापना केली होती,जे नंतर एमटी एज्युकेअरला विकले.

“आम्ही अजूनही आमच्या शेवटच्या फेरीतील निधीपैकी 50% पैसा वापरला नाही. तुम्ही फक्त पैसे उभा करण्यासाठी पैसे उभारू शकत नाही, ”कृष्ण म्हणाले, वेदांतू पुढील अडीच वर्षांत शेअर बाजारात IPO आणू शकते.

सध्या त्यांचा वार्षिक महसूल 65 मिलियन डॉलर आहे, तर दरमहा सुमारे 5.4 मिलियन डॉलर महसूल आहे.

एबीसी वर्ल्ड एशियाच्या मुख्य प्रभाव अधिकारी सुगंधी मट्टा यांनी सांगितले.”भारतामध्ये, ऑनलाइन शिक्षणामध्ये ‘राईट टू एज्युकेशन’ची व्याप्ती वंचित समाजातील विद्यार्थ्यांपर्यंत वाढवण्याची आणि’ नेक्स्ट हाफ बिलियन ‘उत्पन्न गट मिळवण्याची क्षमता आहे.

वेदांतूने जुलै 2020 मध्ये कोट्यू मॅनेजमेंटच्या नेतृत्वाखाली 100 मिलियन डॉलर्स उभारले.त्याचे मूल्य 600 मिलियन डॉलर्स होते. तेव्हापासून, वेदांतूसाठी बायजू आणि अनाकेडमीच्या तुलनेत निधी उभारणे सोपे नव्हते, ज्यांचे मूल्यांकन गेल्या 18 महिन्यांत गगनाला भिडले आहे.

अनाकेडमीच्याचे मूल्यांकन फेब्रुवारी 2020 मध्ये 500 मिलियन डॉलर वरून 3.4 अब्ज डॉलरवर गेले आहे, तर बायजूचे मूल्यांकन त्याच कालावधीत 5 अब्ज डॉलरपासून 16.5 अब्ज डॉलर्स वर गेले आहे.

वेदांतूने आधी म्हटले होते की ते योगदान मार्जिन स्तरावर फायदेशीर आहे , याचाच अर्थ असा की त्यांची कमाई त्यांच्या सर्व चल खर्चांना समाविष्ट करते.

वेदांतू म्हणाले की, पुढील राऊंड पुढील काही आठवड्यांत बंद होईल, त्यानंतरच्या टप्प्यांमध्ये अधिक गुंतवणूकदार सामील होतील. रेनमेकर ग्रुपने त्यांच्या फंड उभारणीवर वेदांतूचे विशेष आर्थिक सल्लागार म्हणून काम केले.