तब्बल 1 अब्ज वेळा डाऊनलोड, ‘हे’ प्लॅटफॉर्म पोहचले शिखरावर

व्हिडीओ स्ट्रीमिंग प्लॅटफॉर्म MX प्लेयरने 12 ऑक्टोबर रोजी सांगितले की, त्यांनी गूगल प्ले स्टोअरवर 1 अब्ज डाउनलोड चा आकडा ओलांडला आहे आणि जगभरातील हा टप्पा गाठलेल्या ॲप्सच्या एलिट क्लबमध्ये सामील झाले आहे.

2011 मध्ये व्हिडिओ प्लेबॅक ॲप म्हणून सुरू झालेल्या MX प्लेयरने जून 2018 मध्ये टाइम्स इंटरनेटचे 1,000 कोटी रुपयांना अधिग्रहण करण्यापूर्वी सुमारे 500 मिलियन डाउनलोडचे आकडे साध्य केले होते. साधारण वर्षात कंपनीने दुप्पट आकडा गाठलाय.

भारतात सध्या 280 मिलियनहून अधिक मासिक सक्रिय युजर्स असल्याचा त्यांचा दावा आहे.

नॉन-प्रीइन्स्टॉल केलेल्या गूगल अँप्समध्ये नेटफ्लिक्स, ट्विटर, इन्स्टाग्राम, स्नॅपचॅट, टिकटॉक, स्पॉटिफाई, सबवे सर्फर्स, कँडी क्रश सागा आणि मायक्रोसॉफ्ट ऑफिस अॅप्स (मायक्रोसॉफ्ट वर्ड, मायक्रोसॉफ्ट पॉवरपॉईंट आणि मायक्रोसॉफ्ट एक्सेल) यांचा समावेश आहे.

एमएक्स मीडियाचे सीईओ करण बेदी म्हणाले,”आमची ओटीटी ऑफर लाँच झाल्यापासून फक्त 2 वर्षांमध्ये आम्ही हा मैलाचा दगड गाठण्यात यशस्वी झालो आहोत. आम्ही ही गती पुढे चालू ठेवण्यास उत्सुक आहोत”.

अॅपने ऑक्टोबर 2019 मध्ये टेन्सेन्टच्या नेतृत्वाखालील सीरिजमध्ये सुमारे 110 मिलियन डॉलर अर्थसहाय्य गोळा केले होते आणि यूएई, अमेरिका, कॅनडा, यूके, ऑस्ट्रेलिया, न्यूझीलंड, बांगलादेश, नेपाळ, अफगाणिस्तान, श्रीलंका, मालदीव आणि सुमारे 12 आंतरराष्ट्रीय बाजारपेठांमध्ये विस्तार केला होता.

MX प्लेयर सध्या स्थानिक भारतीय भाषांमध्ये डब केलेल्या आंतरराष्ट्रीय शोसह विविध कंटेट उपलब्ध करते. हे कंटेंट विनामूल्य जाहिरात मॉडेलवर दिले जाते. प्लॅटफॉर्मवर युजर्स दरवर्षी 199 रुपयांची सदस्यता खरेदी घेऊ शकतात.

यात वेब शोमध्ये आश्रम, हॅलो मिनी, एक थी बेगम, भाऊकाल आणि ज्वाला यांचा समावेश आहे.

जूनमध्ये, ॲपने सांगितले की, त्यांनी H.266 व्हिडिओ कोडेकचा वापर केला आहे, जे 50%पेक्षा जास्त स्ट्रीमिंग व्हिडिओंसाठी कमी डेटा वापरते, ज्यामुळे युजर्सना डेटाच्या कमी वापरात हाय-डेफिनेशन व्हिडिओ स्ट्रीम वापरता येतात.

भारतातील MX प्लेयरच्या प्रतिस्पर्ध्यांमध्ये नेटफ्लिक्स, ॲमेझॉन प्राइम व्हिडिओ, डिस्ने+ हॉटस्टार आणि झी 5 यांचा समावेश आहे.