‘ह्या’ योजनेस पात्र आहात का? मिळू शकते 5 लाखापर्यंत मदत

तीन वर्षांपूर्वी, पंतप्रधान नरेंद्र मोदी यांनी प्रधानमंत्री जन आरोग्य योजना (PM JAY) सुरू केली होती, ज्याला आयुष्मान भारत असेही म्हटले जाते. सरकारच्या एनएचए वेबसाइटनुसार, आयुष्मान भारत पीएम-जेएवाय ही जगातील सर्वात मोठी आरोग्य हमी योजना आहे. योजनेद्वारे दुय्यम आणि तृतीय श्रेणीच्या रुग्णालयात दाखल होणाऱ्यासाठी प्रति कुटुंब 5 लाख रुपयांचे आरोग्य संरक्षण देणे हे लक्ष साधले गेले आहे. याचा लाभ भारतातील 10.74 कोटी गरीब कुटुंबांना होइल.

विविध आजारांबरोबरच आयुष्मान भारत आरोग्य विमा योजनेमध्ये कोविडवरील उपचाराचा देखील समावेश आहे. एनएचएच्या मते, कोविड वरील उपचार आणि टेस्ट हे योजनेद्वारे कोणत्याही खासगी रुग्णालयात मोफत केले जातील. खाजगी रुग्णालयातील क्वारंटाईन प्रोसेस देखील यात असेल.

योजनेची माहिती खालीलप्रमाणे

आयुष्मान भारतसाठी कोण पात्र आहे?

अ) ग्रामीण कुटुंबे ( सात निकषांच्या आधारे)
ब) शहरी कुटुंबे (व्यवसाय श्रेणीनुसार)

अ) ग्रामीण लाभार्थी
ग्रामीण भागासाठी एकूण सात निकषांपैकी, पीएम-जेएवाय मध्ये अशा सर्व कुटुंबांना कव्हर केले जे खालील निकषांपैकी किमान एकात मोडतात.

1) कुचा भिंती आणि कुचा छप्पर असलेली एकच खोली
2) घरात 16 ते 59 वयोगटातील कोणताही प्रौढ सदस्य नाही
3) 16 ते 59 वयोगटातील प्रौढ पुरुष सदस्य नसलेली घरे
4) घरात एखादा अपंग सदस्य
5) SC / ST कुटुंब
6) भूमिहीन कुटुंब

ब) शहरी लाभार्थी
शहरी भागांसाठी, कामगारांच्या खालील 11 व्यावसायिक श्रेणी पात्र आहेत.

1) रॅगपिकर
2) भिकारी
3) घरगुती कामगार
4) रस्त्यावर काम करणारा, स्ट्रीट विक्रेता, फेरीवाला, शिंपी
5) बांधकाम कामगार, प्लंबर,चित्रकार, वेल्डर, सुरक्षा रक्षक, कुली
6) सफाई कामगार, स्वच्छता कामगार, माळी
7) घर कामगार, शिंपी, हस्तकला कारागीर
8) वाहतूक कामगार, चालक,वाहक, सहाय्यक चालक, रिक्षाचालक
9) दुकान कर्मचारी, सहाय्यक,शिपाई, मदतनीस ,वेटर
10) इलेक्ट्रिशियन, मेकॅनिक, असेंबलर, दुरुस्ती कामगार
11) वॉशर-मॅन, चौकीदार

हॉस्पिटलायझेशन प्रक्रिया काय आहे?

लाभार्थ्यांना हॉस्पिटलायझेशनच्या खर्चासाठी कोणतेही शुल्क आणि प्रीमियम देण्याची आवश्यकता लागणार नाही. यात रुग्णालयात दाखल होण्यापूर्वी आणि नंतरचा खर्च यांचा समावेश आहे.

प्रत्येक लिस्टेड रुग्णालयात रुग्णांना मदत करण्यासाठी ‘आयुष्मान मित्र’ असेल आणि ते लाभार्थी आणि रुग्णालयाशी समन्वय साधतील. ते एक हेल्प डेस्क चालवतील. पात्रता पडताळण्यासाठी कागदपत्रे तपासतील आणि योजनेत नावनोंदणी करतील.

तसेच, सर्व लाभार्थ्यांना क्यूआर कोड असलेली पत्रे दिली जातील, जी स्कॅन केली जातील. योजनेचा लाभ घेण्यासाठी आणि त्याची पात्रता पडताळण्यासाठी योग्य प्रमाणीकरण केले जाईल.

कशाचा समावेश असेल?

रुग्णालयांनी जास्त शुल्क आकारू नये आणि त्यांचे दर बदलत नाहीत याची खात्री करण्यासाठी, EHCP एक पॅकेज ठरवते. पॅकेजमध्ये उपचाराशी संबंधित सर्व खर्च असतात. बऱ्याच मेडिकल पॅकेज चा देखील यात समावेश होतो. जवळजवळ 24 स्पेशॅलिटीजमध्ये उपचार समाविष्ट आहेत ज्यात ओन्कलॉजी, नुरोसर्जरी इ चा समावेश होतो.

पॅकेज मध्ये खालील गोष्टींचा समावेश होतो
1) नोंदणी चार्जेस
2)बेड चार्जेस (जनरल वॉर्ड)
3) नर्सिंग आणि बोर्डिंग चार्जेस
4) सर्जन, भूलतज्ज्ञ, सल्लागारांची फी इ.
5) भूलतज्ज्ञ, ब्लड ट्रांस्फुशन, ऑक्सिजन, ओटी चार्जेस, सर्जिकल उपकरणांची किंमत इ.
6)औषधे
7) प्रोस्थेटिक उपकरणांची किंमत, प्रत्यारोपण
8)पॅथॉलॉजी आणि रेडिओलॉजी चाचण्या
9) रुग्णाला अन्न
10) रुग्णालयात दाखवण्याचा आणि नंतरचा खर्च
11) EHCP मध्ये रुग्णाच्या उपचाराशी संबंधित इतर खर्च

आयुष्मान भारत योजनेअंतर्गत आवश्यक कागदपत्रे

पात्र व्यक्तीला आधार कार्ड, मतदार ओळखपत्र किंवा रेशन कार्ड यासारख्या पुराव्यांसह आपली पात्रता दाखवावी लागते.

तुम्ही PMJAY साठी पात्र आहात का ते कसे तपासावे?

1) अधिकृत सरकारी वेबसाइटला भेट द्या.
2) आपला फोन नंबर, कॅप्चा कोड टाका आणि ‘जनरेट ओटीपी’ वर क्लिक करा.
3) राज्य, आपले नाव, रेशन कार्ड क्रमांक सबमिट करा.
4) जर तुमचे कुटुंब PMJAY अंतर्गत येत असेल तर तुमचे नाव स्क्रीनवर फ्लॅश होईल

तुम्ही 14555 आणि 1800111565 हेल्पलाईन क्रमांकावर फोन करून देखील हे तपासू शकता.

नावनोंदणी प्रक्रिया काय आहे?
नावनोंदणीसाठी काही कालावधी आहे का?

PM-JAY हे एक पात्रता आधारित मिशन आहे. यासाठी नावनोंदणी प्रक्रिया नाही. ग्रामीण आणि शहरी दोन्ही भागातील SECC डेटाबेसचा वापर करून वंचित आणि व्यावसायिक निकषांच्या आधारे सरकारद्वारे संबंधीत कुटुंबे PM-JAY साठी पात्र आहेत.

लाभार्थीला कार्ड दिले जाईल का?

पात्र कुटुंबांना एक PM-JAY कुटुंब ओळख क्रमांक दिला जाईल. याव्यतिरिक्त, रुग्णालयात दाखल होण्याच्या वेळी लाभार्थीला एक ई-कार्ड देखील दिले जाईल.