कमोडिटी स्टॉक्सवर वर बेट लावताय तर हे पाच स्टॉक्स जॉकी म्हणून निवडू शकता 

१. एनएमडीसी – या स्टॉकने २०२१ मध्ये जवळपास १०० ते २०० एवढी मोठी रॅली दिली आहे. सध्या स्टॉक १८१ रुपयांवर आहे. कंपनीने आता स्टील मेकिंगमध्ये प्रवेश केला आहे. आपली मार्केट लिडर ही पोझिशन राखण्यासाठी कंपनीने बरेच नवे प्रोजेक्ट्स हाती घेतले आहेत. भारत सरकारकडूनसुद्धा स्टीलचे प्रॉडक्शन वाढवण्यासाठी धोरणे आखली जात आहेत. याचा फायदा एनएमडीसीला होऊ शकतो. झारखंड आणि कर्नाटक या दोन राज्यांमध्ये कंपनीकडून काही नवे म्हणजेच ग्रीनफिल्ड प्रोजेक्ट्स सुरु करण्यात येतील.

२. गुजरात गॅस – गेल्या एक वर्षात हा स्टॉक २४० रुपयांवरून ५१५ रुपयांपर्यंत जाऊन पोहोचला आहे. फक्त २०२१ मध्ये या स्टॉकने जवळपास १२० पॉईंट्सची रॅली दिली आहे. येणाऱ्या काळात केंद्र सरकारकडून सिटी गॅस डिस्ट्रिब्युशन अंतर्गत मोठ्या प्रमाणात गुंतवणूक करण्यात येणार आहे. काही राज्यांमध्ये याचे काम सुरूदेखील झाले आहे. तसेच २०२४ पर्यंत भारताचे नॅचरल गॅस प्रॉडक्शन ५२% वाढेल असा अंदाज आहे. कृष्णा गोदावरी म्हणजेच केजी बेसीनमधून होणारे गॅस प्रॉडक्शन डिसेंबर २०२० पासून वाढले आहे. याचा सकारात्मक परिणाम या शेअरवर होऊ शकतो.

३. रेन इंडस्ट्रीज – या कंपनीबद्दल आम्ही काही दिवसांपूर्वी सविस्तर माहिती दिली होती. कंपनी कार्बन, ऍडव्हान्स मटेरियल्स आणि सिमेंटचे प्रॉडक्शन करते. कंपनीच्या सिमेंट सेगमेंटने चांगली कामगिरी करत नफ्यात वाटा उचलला आहे. ऍडव्हान्स मटेरियल सेगमेंटमध्ये कंपनीने काही नवे प्रॉडक्ट्स लाँच केले आहेत. याचाही कंपनीला फायदा होऊ शकतो. कंपनीने २०२१ आर्थिक वर्षाच्या चौथ्या तिमाहीत २०६ कोटींचा नफा नोंदवला. तसेच कंपनीचे डेटदेखील कमी होत आहे. गेल्या वर्षभरात कंपनीने ६५ रुपयांपासून ते १८५ रुपयांपर्यंत एवढी जोरदार रॅली नोंदवली आहे.

४. स्टील अथॉरिटी ऑफ इंडिया (सेल) – भारतामधील स्टीलच्या वाढती मागणी पूर्ण करण्यासाठी कंपनी सज्ज आहे. कंपनीच्या स्टॉकने गेल्या वर्षभरात २९ रुपयांपासून १४५ रुपयांपर्यंत मजल मारली आहे. २०२१ मध्येही स्टॉकने जवळपास ९०-९५% ची रॅली दिली आहे. भारताची अर्थव्यवस्था हळूहळू पूर्वपदावर येते आहे. सरकारकडून येणाऱ्या काळात इन्फ्रास्ट्रक्चरवर भर दिला जाणार आहे. यासाठी मोठ्या प्रमाणात स्टीलची गरज लागणार आहे. याचाच फायदा सेलला होऊ शकतो.