3 ऑक्टोबर पासून फ्लिपकार्ट कडून ‘भारी’ सेल, आयफोन 12 मध्ये मिळणार ‘इतकी’ सूट

फ्लिपकार्ट बिग बिलियन डेज सेल दरम्यान भारतात आयफोन 12 ची किंमत 50,000 रुपयांपेक्षा कमी असेल. अॅन्युल फ्लिपकार्ट सेल, 3 ऑक्टोबरपासून सुरू होत आहे. सेलद्वारे स्मार्टफोन आणि इतर इलेक्ट्रॉनिक उत्पादनांवर अनेक ऑफर आणि सूट देण्यात येईल. ताज्या टीझरनुसार, फ्लिपकार्ट बिग बिलियन डेज सेल दरम्यान आयफोन 12 ची किंमत 49,999 रुपये असेल.

आयफोन 13 मालिका लाँच झाल्यानंतर,आयफोन 12 सीरिजच्या किंमती कमी झाल्या आहेत. ॲपल भारतात अधिकृतपणे आयफोन 12 ची विक्री 65,900 रुपयांना करत आहे. तुलनेत, आयफोन 13 ची किंमत 128 जीबी व्हेरिएंटसाठी 79,900 रुपयांपासून सुरू होते.

फ्लिपकार्ट बिग बिलियन डेज सेलचा भाग म्हणून, भारतात आयफोन 12 च्या किंमती 50,000 रुपयांपेक्षा कमी करण्याची योजना आखत आहे. स्टोरेजनुसार किंमती 3 ऑक्टोबरपासून विक्रीदरम्यान जाहीर केल्या जातील.

याचाच अर्थ असा आहे की,आयफोन 12 मिनी, अधिक स्वस्त किमतीत उपलब्ध होईल. हा स्मार्टफोन अधिकृतपणे भारतात 59,900 रुपयांना खरेदीसाठी उपलब्ध आहे. फ्लिपकार्टने सध्यातरी आयफोन 12 मिनीच्या किंमती जाहीर केल्या नाहीत.

आयफोन 12 मध्ये 6.1 इंचाचा OLED डिस्प्ले आहे, तर आयफोन 12 मिनीमध्ये 5.4 इंचाचा डिस्प्ले आहे. दोन्ही मॉडेल्समध्ये ॲपल A14 बायोनिक चिप आहे आणि 12 एमपी वाइड आणि 12 एमपी अल्ट्रावाइड कॅमेरासह ड्युअल-कॅमेरा सेटअप आहे. सेल्फी आणि व्हिडिओ कॉलसाठी, 12 एमपी ट्रूडेप्थ फ्रंट कॅमेरा सेन्सर आहे.