बापरे! तब्बल 1 बिलियन डॉलर्स इतकी गुंतवणूक,झोमॅटोचा ‘हा’ प्लॅन वाचला का

ऑनलाइन फूड डिलिव्हरी प्लॅटफॉर्म झोमॅटो IPO आणल्यानंतर बऱ्याच ठिकाणी गुंतवणूक करत आहे. फर्म गुंतवणुकीसाठी स्टार्टअपचा पर्याय निवडला आहे.

झोमॅटोने 10 नोव्हेंबर रोजी तीन भारतीय स्टार्टअप्समध्ये 175 मिलियन गुंतवणूकीची घोषणा केली. शिप्रॉकेट, क्युरफिट आणि मॅजिकपिन या तीन स्टार्टअपमध्ये फर्म गुंतवणूक करणार आहे.

पुढील 1-2 वर्षात आणखी 1 बिलियन डॉलर गुंतवणुकीचे फर्मचे लक्ष आहे.

शिप्रॉकेट साठी फंडिंग ही 185 मिलियन राऊंडचा एक भाग असेल, तर क्युरफिट आणि मॅजिकपिन हे स्टँडअलोन इक्विटी राउंड असतील.

फूड सेक्टरच्या पलीकडे जाऊन इतर कंपन्यांमध्ये गुंतवणूक आणि भागीदारी करून हायपरलोकल ई-कॉमर्स इकोसिस्टम तयार करणे हा या गुंतवणुकीचा उद्देश आहे.

झोमॅटोने सांगितले की, ते 10 बिलियन डॉलर पर्यंत व्यवसाय व्यवसाय वाढवण्याची तयारी करत आहेत.

सीईओ दीपंदर गोयल यांनी सांगितले, “आमचा विश्वास आहे की भारतातील अन्न वितरणाची बाजारपेठ अजूनही नविन आहे, आणि पुढील काही वर्षांत किमान 10 पटीने बाजारपेठ वाढवण्याची संधी आहे. हे घडण्यासाठी, आम्ही बाजारपेठ निर्मितीमध्ये मोठ्या प्रमाणात गुंतवणूक करणे सुरू ठेवणार आहोत.

“आम्ही सध्या विविध रेस्टॉरंट पॉईंट-ऑफ-सेल (POS) प्लेयर्स, ई-वेहिकल फ्लीट ऑपरेटर्स आणि इतरांसोबत चर्चा करत आहोत, दीर्घकालीन फायदा लक्षात घेऊन आम्ही गुंतवणूक करत आहोत.

2012 मध्ये स्थापन झालेली शिप्रॉकेट सध्या भारतातील कुरिअर कंपन्यांसोबत काम करते आणि देशातील आणि जगभरातील हजारो व्यापारी, ग्राहक आणि पुरवठा-साखळी भागीदारांना जोडते.

शिप्रॉकेट रिटेल विक्रेत्यांना वर्कफ्लो, इन्व्हेंटरी आणि ऑर्डर व्यवस्थापनासाठी Shopify, Magento, WooCommerce आणि Zoho सारख्या ऑनलाइन स्टोअरला एकत्रित करण्यात मदत करण्यासाठी टेच स्टॅक देखील देते.

क्युरफिटची स्थापना 2016 मध्ये फॅशन मार्केटप्लेस मिंत्राचे सह-संस्थापक मुकेश बन्सल आणि फ्लिपकार्टचे माजी मुख्य व्यवसाय अधिकारी अंकित नागोरी यांनी केली होती.

जूनमध्ये टाटा सन्सची पूर्ण मालकीची उपकंपनी असलेल्या टाटा डिजिटलकडून शेवटचे 75 मिलियन डॉलर उभारले.

या फेरीचा एक भाग म्हणून, Zomato ज्याने Fitso या वर्षाच्या सुरुवातीला $13 दशलक्षमध्ये विकत घेतले होते, ते क्युरफिटला $50 दशलक्ष मुल्यांकनासाठी विकत आहे. याशिवाय, Zomato Curefit मध्ये $50 दशलक्ष रोख गुंतवणूक करत आहे. एकत्रितपणे ते झोमॅटोला क्युरफिटमध्ये 6.4 टक्के भागभांडवल देईल.

मॅजिकपिनची स्थापना अंशू शर्मा आणि ब्रिज भूषण यांनी 2016 मध्ये केली होती आणि ती हायपरलोकल व्यापारी आणि ब्रँड्सना ग्राहकांशी जोडते.

या वर्षाच्या सुरुवातीला, Oyo चे संस्थापक रितेश अग्रवाल यांनी मॅजिकपिनमध्ये एका छोट्या राऊंडचे नेतृत्व केले होते, ज्यामुळे कंपनीला 165 मिलियन मिळाले होते.

झोमॅटोने 10 नोव्हेंबर रोजी आर्थिक वर्ष 2021-22 चे जुलै-सप्टेंबर तिमाही निकाल जाहीर केले, ज्यात निव्वळ तोटा 87 टक्क्यांनी वाढून रु. 430 कोटी झाला आहे . या तिमाहीत एकत्रित महसूल मागील वर्षी याच कालावधीतील 426 कोटी रुपयांच्या तुलनेत 1,024 कोटी रुपये होता.