भारीच की! ओला आणतेय IPO, पण कधी? वाचा सविस्तर

भारतीय राइड सर्व्हिस कंपनी ओला 2022 च्या पहिल्या सहामाहीत आपला IPO आणण्याची योजना आखत आहे. रॉयटर्सच्या वृत्तानुसार, कंपनीचे मुख्य कार्यकारी अधिकारी भाविश अग्रवाल यांनी त्यांना ही माहिती दिली आहे. अलीकडील बाजारातील गोंधळ आणि देशातील काही स्टार्टअप्सच्या खराब लिस्टिंगमुळे त्यांच्यावर कोणताही परिणाम झालेला नाही.

अहवालानुसार, ओला, जपानच्या सॉफ्टबँक समुहाने समर्थित, सुपर ॲपसारखे काहीतरी नविन तयार करण्याची तयारी करत आहे. पर्सनल फायनान्स आणि मायक्रो फायनान्सचा समावेश करण्यासाठी कंपनीने आपल्या सेवांचा विस्तार करण्याची योजना आखली आहे. अग्रवाल यांनी रॉयटर्स नेक्स्ट कॉन्फरन्सला ही माहिती दिली आहे.

अग्रवाल यांनी ही कंपनी 2010 मध्ये सुरू केली. ते म्हणाले की, कोणत्याही गोष्टीवर अल्पकालीन मत मांडणारी आमची कंपनी नाही. अल्पावधीत बाजारात अस्थिरता असू शकते, परंतु त्याचा कंपनीच्या निर्णयांवर कधीही परिणाम झाला नाही.

भारतीय कंपन्यांनी 2021 च्या पहिल्या नऊ महिन्यांत त्यांच्या IPO 9.7 अब्ज डॉलर जमा केले आहेत. भारतीय डिजिटल पेमेंट कंपनी पेटीएमने गेल्या महिन्यात शेअर बाजारात पदार्पण केल्यामुळे काही कंपन्यांमध्ये चिंता वाढली आहे.

भारतातील कॅब सर्व्हिस मार्केटमध्ये ओलाचा मोठा वाटा आहे. या मार्केटमध्ये ते उबेर टेक्नॉलॉजीशी स्पर्धा करते. IPO द्वारे 1 अब्ज डॉलर पर्यंत उभारण्याची ओलाची योजना आहे. ओलाची आर्थिक स्थिती अलीकडच्या काही महिन्यांत सुधारली आहे. ते म्हणाले की, कोविडच्या संकटानंतर कंपनी त्यात आणखी सुधारणा करण्याचे काम करत आहे.

अग्रवाल म्हणाले की, ओलाच्या व्यवसायासाठी त्यांना मोठ्या प्रमाणात मोबिलिटी प्लॅटफॉर्म बनवायचे आहे. यासह, ते म्हणाले की ओलाचे ॲप त्यांच्या 150 मिलियन ग्राहकांना नवीन आणि वापरलेल्या कार खरेदी आणि विक्री करण्यास अनुमती देते. यासोबतच त्यांना वाहन फायनान्स आणि विम्याचाही लाभ मिळतो. ते म्हणाले की त्यांना ऑफरचा विस्तार करायचा आहे.