पेट्रोल-डिझेल थांबता थांबेना, आज पोहचले ‘इतक्या’ उच्चांकावर

ऑइल मार्केटींग कंपन्यांनी 7 ऑक्टोबर रोजी भारतात इंधन किंमती वाढवल्या, यामुळे दर उच्चांकी पातळीवर पोहोचले. पेट्रोलचे दर 29-30 पैशांनी आणि डिझेलचे 35-38 पैशांनी वाढले.

नव्या दरानुसार दिल्लीत पेट्रोलची किंमत 103.24 रुपये प्रति लीटर आणि डिझेलची किंमत 91.77 रुपये प्रति लीटरच्या विक्रमी उच्चांकावर पोहोचली. आज मुंबईत पेट्रोल 109.25 रुपये आणि डिझेल 99.55 रुपये प्रति लिटर दराने विकले गेले.

कोलकातामध्ये, पेट्रोलचे दर 103.94 रुपये प्रति लीटर आणि डिझेलचे दर 94.88 रुपये प्रति लीटर झाले, तर चेन्नईमध्ये दर अनुक्रमे 100.75 आणि 96.26 रुपये प्रति लिटर होते.

स्थानिक करानुसार पेट्रोल आणि डिझेलच्या किंमती वेगवेगळ्या राज्यांमध्ये भिन्न आहेत.

काही दिवसापासून इंधनाचे भाव कमी करण्याचे प्रयत्न सुरू आहेत, परंतु ओपेक+ ने प्रतिदिन 0.4 मिलियन बॅरल्सपेक्षा जास्त उत्पादन न करण्याचा निर्णय घेतल्यानंतर आंतरराष्ट्रीय बेंचमार्क ब्रेंट क्रूड प्रति बॅरल 82.92 डॉलर वाढल्याने इंधनाचे दर मोठ्या प्रमाणात वाढवले.

सुमारे तीन आठवड्यानंतर इंधन दरात एकूण आठव्या वाढीमुळे देशातील बहुतेक प्रमुख शहरांमध्ये पेट्रोलचे दर 100 रुपयांपेक्षा अधिक आहे. किमतीतील एकूण अकराव्या दरवाढीमुळे मध्य प्रदेश, राजस्थान, ओडिशा, आंध्र प्रदेश आणि तेलंगणातील अनेक शहरांमध्ये डिझेल 100 रुपयांच्या वर गेले आहे.

ओपेक+ ने बाजारात ऊर्जेच्या संकटाला सामोरे जात असतानाही पुरवठा नियोजित हळूहळू वाढवण्याचा निर्णय घेतल्यानंतर आंतरराष्ट्रीय तेलाच्या किमती 2014 नंतरच्या सर्वोच्च पातळीवर पोहोचल्या.