उत्तर प्रदेशातील ‘या’ मोठया प्रोजेक्टसाठी SAIL ने केला होता 50000 टन स्टील पुरवठा

स्टील अथॉरिटी ऑफ इंडिया लिमिटेड ( SAIL ) ने बुधवारी सांगितले की, त्यांनी उत्तर प्रदेशातील पूर्वांचल एक्सप्रेसवेसाठी सुमारे 50,000 टन स्टीलचा पुरवठा केला आहे. पंतप्रधान नरेंद्र मोदी यांनी मंगळवारी पूर्व उत्तर प्रदेशातील लखनौ ते गाझीपूरला जोडणाऱ्या 341 किमी लांबीच्या पूर्वांचल एक्सप्रेसवेचे उद्घाटन केले.

एका निवेदनात, SAILने “पंतप्रधान नरेंद्र मोदी यांच्या हस्ते उद्घाटन केलेल्या पूर्वांचल एक्सप्रेसवेसाठी 48,200 टन स्टीलचा पुरवठा केला आहे” असे म्हटले आहे.

प्रकल्पासाठी पुरवठा करण्यात आलेली एकूण उत्पादने टीएमटी बार, स्ट्रक्चरल आणि प्लेट्स होती, असे त्यात म्हटले आहे.

निवेदनात सांगीतले आहे की, एक्सप्रेसवे उत्तर प्रदेशातील अनेक जिल्ह्यांमधील रस्ते संपर्कात लक्षणीय सुधारणा करेल.

कंपनीने पूर्वी ईस्टर्न आणि वेस्टर्न पेरिफेरल एक्स्प्रेस वे, अटल बोगदा, बोगीबील आणि ढोला सादिया ब्रिज यासारख्या प्रकल्पांसाठी स्टीलचा पुरवठा केला होता.

SAIL, पोलाद मंत्रालयाच्या अंतर्गत, 21 दशलक्ष टन (MT) पेक्षा जास्त वार्षिक क्षमता असलेली देशातील सर्वात मोठी पोलाद निर्माता कंपनी आहे.