SBI कार्डच्या नेट प्रॉफिटमध्ये तब्बल 67% वाढ, मिळवला ‘ इतका ‘ नफा

SBI कार्ड्स आणि पेमेंट सर्व्हिसेसमध्ये जुलै-सप्टेंबर या तिमाहीत कमी तरतुदी आणि इतर उत्पन्नामुळे नेट प्रॉफिटमध्ये 67 टक्के वाढ झाली आहे. तिमाहीत SBI चा नेट प्रॉफिट 345 कोटी रुपये होता, जो मागील वर्षी याच कालावधीत 206 कोटी रुपये होता.

व्याजाचे उत्पन्न 8 टक्क्यांनी कमी होऊन ते 1,173 कोटी रुपयांवर आले आहे, तर एकूण महसूल 7 टक्क्यांनी वाढून 2,695 कोटी रुपयांवर पोहोचला आहे.

नुकसान आणि बुडीत कर्जासाठीच्या तरतुदी 31 टक्क्यांनी कमी होऊन 594 कोटी रुपयांवर आल्या. सप्टेंबर तिमाहीच्या अखेरीस एकूण व्यवस्थापन तरतूद 231 कोटी रुपये होती. टोटल नॉन-परफॉर्मिंग ॲसेट्स (NPAs) 55 बेस पॉइंट्स कमी झाल्यामुळे ॲसेटची गुणवत्ता सुधारली आणि YoY आधारावर 3.36 टक्क्यांवर आली.

कंपनीने तिमाहीत 953,000 नवीन खाती जोडली, जी वर्षभरापूर्वीच्या 688,000 खात्यांच्या तुलनेत 39 टक्क्यांनी अधिक आहे. सप्टेंबर तिमाहीच्या अखेरीस (Q2FY22), कंपनीच्या चालू असलेल्या कार्डांची संख्या 1.26 कोटी होती, जी 14 टक्क्यांनी वाढली आहे. किरकोळ खर्च 41 टक्क्यांनी वाढून 35,070 कोटी रुपये झाला, तर कॉर्पोरेट खर्च 80 टक्क्यांनी वाढून 8,491 कोटी रुपये झाला. तसेच, कंपनीची प्राप्ती 12 टक्क्यांनी वाढून 26,741 कोटी रुपये झाली आहे.

ऑगस्ट 2021 पर्यंत, SBI कार्ड्सचा मार्केटमधील हिस्सा 19.4 टक्के कार्डमध्ये, 19 टक्के खर्चात आणि 20 टक्के व्यवहारांमध्ये आहे.

आरबीआयच्या पहिल्या कोविड पुनर्रचना योजनेंतर्गत, कंपनीने 2,668 कोटी रुपयांच्या कर्जाची पुनर्रचना केली. आणि दुसऱ्या योजने अंतर्गत, 359.69 कोटी रुपयांच्या कर्जाचे पुनर्गठन केले.

फर्मच्या बॅलन्सशीटची साइझ 31 मार्च 2021 पर्यंत 27,013 कोटींवरून 29,167 कोटी झाली.