लिंक्डइन ‘ ह्या ‘ देशातून घेणार काढता पाय, मुख्य कारण आले समोर

मायक्रोसॉफ्ट कॉर्पोरेशन, चीनमध्ये लिंक्डइनवर सुरू करुन सुमारे सात वर्षांनंतर,चीनमधील आपला व्यवसाय बंद करण्याचा निर्णय घेत आहे.

लिंक्डइनने गुरुवारी एका ब्लॉग पोस्टमध्ये म्हटले आहे की, ते या वर्षाच्या अखेरीस प्लॅटफॉर्म बंद करतील आणि फक्त “इनजॉब्स” वर लक्ष केंद्रित करतील, ज्यात सोशल फीड किंवा शेअर पर्याय यांचा समावेश नसेल.

लिंक्डइनने सांगितले की, “चीनमध्ये आम्हाला नोकऱ्या आणि आर्थिक संधी शोधण्याकरिता मदत करण्यात आम्हाला यश मिळाले आहे, परंतु सामायिकरण आणि माहिती ठेवण्याच्या अधिक सामाजिक पैलूंमध्ये आम्हाला यश मिळाले नाही.”

“आम्ही चीनमध्ये आव्हानात्मक ऑपरेटिंग वातावरण आणि समस्यांचा सामना करीत आहोत.

चीनमध्ये लिंक्डइनच्या हालचालीवर बारीक लक्ष ठेवले जाते. जिथे ट्विटर, फेसबुक आणि यूट्यूब सारख्या इतर अनेक प्लॅटफॉर्मवर बंदी आहे.

2014 मध्ये चीनमध्ये लिंक्डइन प्लॅटफॉर्मचा विस्तार झाला, त्यावेळी कंपनीला त्यांच्या वेबसाइटवर पोस्ट केलेल्या काही कंटेंटवर सेन्सॉर करावे लागले, जे चीनी नियमांचे पालन करते..

मार्चमध्ये, लिंक्डइनने चीनमध्ये नवीन साइन-अप थांबवले होते. सदर ॲप हे त्या 105 अॅप्सपैकी एक होते ज्यावर चीनने बेकायदेशीरपणे वैयक्तिक माहिती गोळा आणि वापरल्याचा आरोप केला होता आणि त्याला सुधारणा करण्याचे आदेश देण्यात आले होते.

अॅक्सिओस या न्यूज वेबसाईटने गेल्या महिन्यात सांगीतले की, लिंक्डइनने आपल्या चिनी प्लॅटफॉर्मवरून अनेक अमेरिकन पत्रकार आणि शिक्षणतज्ज्ञांचे प्रोफाइल ब्लॉक केले आहे, ज्यात “प्रोहिविटेड कंटेंट” असा उल्लेख केला आहे.