लागा तयारीला! पेटीएम IPO येण्याची तारीख जाहीर

पेमेंट फर्म पेटीएम 8 नोव्हेंबर रोजी आपला IPO सबस्क्रिप्शनसाठी उघडेल, जो 10 नोव्हेंबर रोजी बंद होईल. फर्मची 18 नोव्हेंबर रोजी एक्सचेंजेसवर लिस्टिंग करण्याची योजना आहे.

फर्मने आपल्या IPO चा आकार 16,600 कोटींवरून 18,300 कोटी इतका केला आहे. यात 8,300 कोटींचा फ्रेश इश्यू आणि 10,000 कोटींपर्यंतची ऑफर फॉर सेल (OFS) आहे.

OFS मध्ये विजय शेखर शर्मा यांच्याकडून 402,65 कोटी, Antfin (नेदरलँड्स) होल्डिंग कडून 4,704.43 कोटी, Alibaba.com सिंगापूर ई-कॉमर्स कडून 784,82 कोटी, एलेवेशन कॅपिटल lV कडून 75,02 कोटी, इलेवेशन कॅपिटल V लिमिटेड कडून 64,01 कोटी, सैफ III मॉरिशसद्वारे 1,327.65 कोटी, सैफ पार्टनरकडून 563,63 कोटी यांचा समावेश असेल.

भारतीय मार्केटच्या इतिहासातील आतापर्यंतचा सर्वात मोठा IPO हा कोल इंडिया ( CIL ) चा आहे, ज्याने 2010 मध्ये 15,475 कोटी उभारले होते.

कंपनीने सांगितले की, कंपनी IPO मधील उत्पन्नाचा उपयोग हा पेमेंट इकोसिस्टम मजबूत करण्यासाठी आणि नवीन व्यवसाय उपक्रम आणि अधिग्रहणांसाठी करेल.

JP मॉर्गन चेस, मॉर्गन स्टणली, ICICI सेक्युरीटीज, गोल्डमन सचेस, ॲक्सिस कॅपिटल, सिटी आणि HDFC बँक हे IPO साठी बुकिंग रनिंग मॅनेजर आहेत.