लोढा डेव्हलपर्स नंतर रिअल इस्टेट क्षेत्रातून येतोय ‘हा’ IPO – वाचा सविस्तर

रिअल-इस्टेट डेव्हलपर श्रीराम प्रॉपर्टीज या आठवड्यात बुधवारी 8 डिसेंबर रोजी IPO लाँच करेल, जो 10 डिसेंबर पर्यंत खुला असेल. प्रॉपर्टी सेक्टरमधील ही या वर्षातील ही दुसरी लिस्टिंग असेल. याअगोदर लोढा डेव्हलपर्सने एप्रिलमध्ये IPO द्वारे 2,500 कोटी उभारले होते.

फर्मच्या 600-कोटी IPO साठी किंमत बँड 113-118 प्रति शेअर निश्चित करण्यात आला आहे.

IPO बाबत अधिक माहिती

1) फर्मने आपली ऑफर फॉर सेल साइज पूर्वी 550 कोटींवरून कमी करून 350 कोटी केली आहे. आता, IPO साइज 800 कोटींच्या तुलनेत 600 कोटी असेल.

2) या पब्लिक इश्यूमध्ये 250 कोटी किमतीचे इक्विटी शेअर्सचे फ्रेश इश्यू आणि 350 कोटींची ऑफर फॉर सेल (OFS) यांचा समावेश आहे. इश्यूमध्ये कंपनीच्या कर्मचार्‍यांसाठी 3 कोटी किमतीच्या इक्विटी शेअर्सचे आरक्षण समाविष्ट आहे.

3)तज्ञानुसार, आज श्रीराम प्रॉपर्टीजचे शेअर्स 20 रू च्या प्रीमियमवर (GMP) आहेत.

4) श्रीराम प्रॉपर्टीजने विद्यमान चार गुंतवणूकदारांना एक्झिटचा प्रस्ताव दिला आहे, ज्यात TPG कॅपिटल, टाटा कॅपिटल, वॉल्टन स्ट्रीट कॅपिटल आणि स्टारवुड कॅपिटल यांचा समावेश आहे.

5) कंपनीने फ्रेश इश्यूमधून मिळणारे उत्पन्न परतफेड आणि/किंवा कर्जाची पूर्व-पेमेंट आणि सामान्य कॉर्पोरेट उद्देशांसाठी वापरण्याची योजना आखली आहे.

6) श्रीराम प्रॉपर्टीजचे दक्षिण भारतात मोठे अस्तित्व आहे. कंपनीने विविध रिअल इस्टेट प्रकल्प पूर्ण केले असून अनेक प्रकल्पांचे बांधकाम सुरू आहे.

7) इश्यू साइजच्या सुमारे 75 टक्के पात्र संस्थात्मक खरेदीदारांसाठी (QIB), 15 टक्के गैर-संस्थागत गुंतवणूकदारांसाठी आणि उर्वरित 10 टक्के रिटेल गुंतवणूकदारांसाठी राखीव ठेवण्यात आले आहेत.

8) Axis Securities Ltd, ICICI Securities Ltd आणि Nomura Financial Advisory and Securities Ltd हे या इश्यूचे मुख्य व्यवस्थापक आहेत.

9) कंपनीचे शेअर्स 20 डिसेंबर 2021 रोजी स्टॉक एक्सचेंज BSE आणि NSE वर लिस्टिंग होण्याची अपेक्षा आहे.