UK मध्ये होणार हिमालया वॉटर लाँच!

टाटा कन्झ्युमर प्रॉडक्ट्स लिमिटेड (टीसीपीएल) ने मंगळवारी सांगितले की, त्यांनी आपला वॉटर पोर्टफोलिओ यूकेच्या मार्केटमध्ये विस्तारित करण्याचा विचार केला आहे. यूके मध्ये टीसीपीएलचा हा पहिला मिनरल वॉटर (हिमालया वॉटर) ब्रँड असेल.

सुरुवातीला, हिमालया वॉटर हे फक्त ऑनलाईन उपलब्ध होईल आणि हळूहळू त्याचे वितरण वाढवले ​​जाईल.

कंपनीने म्हटले आहे की, “कंपनीचा यूके मध्ये ब्रॅण्ड्सचा क्रॉस लीव्हरेज आणि ब्रँड व्हॅल्यू वाढविण्याच्या विचार आहे.”

यूके मधील हिमालया वॉटर हे कार्बन निगेटिव्ह आणि वॉटर पॉझिटिव्ह आहे आणि यात पूर्णपणे पुनर्वापर करण्यायोग्य पॅकेजिंग वापरले जाणार आहे. टीसीपीएलने हिमालय पर्वतांमधील शिवालिक रेंजमध्ये बॉटलिंग सुविधा करताना १०० टक्के नूतनीकरणक्षम ऊर्जा वापरली आहे.

टीसीपीएलचे व्यवस्थापकीय संचालक आणि मुख्य कार्यकारी अधिकारी सुनील डिसुझा म्हणाले की, हिमालया वॉटर हा एक विस्तीर्ण क्षमता असलेला ब्रँड आहे.

“हा ब्रँड भारतात प्रसिद्ध आहे आणि तो यूके मध्ये लॉन्च केल्याने आम्हाला क्रॉस-लीव्हरेज आणि प्रमुख आंतरराष्ट्रीय बाजारपेठांत आमचा पोर्टफोलिओ वाढवण्यास मदत होईल,” असे ते पुढे म्हणाले.

टाटा टी, टेटली, टाटा सॉल्ट, आठ ओक्लॉक कॉफी, हिमालया वॉटर आणि टाटा सॅम्पन, टाटा सोलफुल, टाटा ग्लुको प्लस आणि टाटा वॉटर प्लस सारख्या ब्रँडची मालकी असलेली TPCL कंपनी जगातील ४० हून अधिक देशांमध्ये आहे.