…तरच बिझनेस करता येईल, टेस्लाचे थेट मोदींना साकडे

सूत्रांनी रॉयटर्सला दिलेल्या माहितीनूसार, टेस्ला कंपनीने भारतीय पंतप्रधान नरेंद्र मोदी यांच्या कार्यालयाला, इलेक्ट्रिक वाहने बाजारात येण्यापूर्वी आयात कर कमी करण्याची विनंती केली आहे.

टेस्ला या वर्षी भारतात आयात केलेल्या गाड्यांची विक्री सुरू करू इच्छित आहे, परंतु भारतातील कर हे जगातील सर्वाधिक आहेत असे ते म्हणतात. पहिल्यांदा त्यांनी कर कपातीची विनंती जुलैमध्ये केली होती.

टेस्लाचे भारतातील रणनीती प्रमुख, मनुज खुराना यांनी मागच्या महिन्यात सरकारी अधिकाऱ्यांचा बैठकीत, कर खूप जास्त असल्याबाबत चर्चा केली होती.

मोदींच्या कार्यालयात बैठकीदरम्यान कंपनीने म्हटले की, भारताच्या जास्तीच्या आयात शुल्कामुळे येथे व्यवसाय करताना अडचणी येतील.

भारतात 40,000 डॉलर किंवा त्यापेक्षा कमी किंमतीच्या इलेक्ट्रिक वाहनांवर 60% आयात शुल्क आणि 40,000 डॉलरपेक्षा जास्त किंमतीवर 100% शुल्क लावला जातो. विश्लेषकांनी म्हटले आहे की, या दरांनुसार टेस्ला कार खरेदीदारांसाठी खूप महाग होतील आणि त्यांची विक्री मर्यादित होऊ शकते.

कंपनीने स्वतंत्रपणे मुख्य कार्यकारी एलोन मस्क आणि मोदी यांच्यात बैठक घेण्याची विनंती केली आहे, असे सूत्रांनी सांगितले.

मोदींच्या कार्यालयाने कंपनीला प्रतिसादात काय सांगितले हे स्पष्ट नाही, परंतु सूत्रांनी रॉयटर्सला सांगितले की, अमेरिकन वाहन उत्पादकांच्या मागण्यांवर सरकारी अधिकाऱ्यांचे मतमतांतर आहे. काही अधिकाऱ्यांना असे वाटते की, कंपनीने कोणत्याही आयात करात ब्रेक घेण्यापूर्वी कंपनीने स्थानिक उत्पादनासाठी वचनबद्ध असावे.

स्थानिक वाहन उद्योगावर होणाऱ्या परिणामाची चिंता सरकारवरही पडत आहे, असे सूत्रांनी सांगितले.

टाटा मोटर्स सारख्या भारतीय कंपन्यांनी, ज्यांनी टीपीजीसह गुंतवणूकदारांकडून स्थानिक पातळीवर EV उत्पादन वाढवण्यासाठी 1अब्ज डॉलर्स गोळा केले आहे, यांच्यामते टेस्ला कारला सवलत देणे हे देशांतर्गत EV उत्पादन वाढवण्याच्या भारताच्या योजनांच्या विरुद्ध असेल.

परिवहन मंत्री म्हणाले की, या महिन्यात टेस्लाने भारतात मेड इन चायना कार विकू नयेत आणि त्याऐवजी स्थानिक पातळीवर उत्पादन करावे, परंतु टेस्लाने प्रथम आयातीचे प्रयोग करायचे असल्याचे सूचित केले आहे.

मस्क यांनी जुलैमध्ये ट्विटरवर म्हटले होते की, “जर टेस्ला आयात केलेल्या वाहनांबाबत यशस्वी होऊ शकली तर लवकरच भारतात कारखाना उभारेल.”

प्रीमियम ईव्हीसाठी भारतीय बाजारपेठ अद्याप नविन आहे आणि चार्जिंग इन्फ्रास्ट्रक्चर देखील नविन आहे. गेल्या वर्षी भारतात विकल्या गेलेल्या 2.4 मिलियन कारपैकी फक्त 5,000 कार इलेक्ट्रिक होत्या.