आता PSLV प्रोजेक्ट पण अदानी ग्रूप कडे जाण्याची शक्यता!

पोलर सॅटेलाईट लाँच व्हेइकल (पीएसएलव्ही) करारामध्ये इस्रोच्या बाहेरच्या संस्थांना पहिल्यांदाच व्हेइकल लाँच करण्याची संधी मिळणार आहे. हा करार जिंकण्याच्या शर्यतीत अदानी ग्रूप आणि एल अँड टीसह दोन अन्य फर्म आहेत.

एनओएसआयएल (न्यू स्पेस इंडिया लिमिटेड) ने जारी केलेल्या आरएफपी (रिक्वेस्ट फॉर प्रपोजल) च्या प्रतिसादात या तिन्ही संस्थांनी ३० जुलै रोजी निविदा सादर केल्या होत्या.

एनएसआयएल सुरुवातीला इस्रोचा व्यावसायिक भाग होता तथापि, नंतर ते प्रक्षेपण वाहने, उपग्रहांची मालकी यासाठी वापरले गेले.

ऑगस्ट २०१९ मध्ये, NSIL ने पाच PSLV साठी एक्स्प्रेशन ऑफ इंटरेस्ट (EoI) ची घोषणा केली होती, ज्याला पाच घटकांनी प्रतिसाद दिला होता. त्यानंतर, डिसेंबर २०२० मध्ये RFP त्यासाठी जारी करण्यात आले.

पाच कंपन्यांनी ईओआयला प्रतिसाद दिला आहे; त्यात तीन जणांनी तीन आठवड्यांपूर्वी आरएफपीनंतर निविदा सादर केल्या असल्याचे ”एका वरिष्ठ अधिकाऱ्याने सांगितले.

एचएएल आणि एल अँड टी चे कंसोर्टियम, अदानी-अल्फा डिझाईन, बीईएल आणि बीईएमएल या दोन गट संस्था, तर भेलने एकच फर्म म्हणून बोली लावली आहे.

स्पेस डिपार्टमेंटच्या मते, या करारामुळे मेक-इन-इंडिया उपक्रमाला चालना मिळेल आणि इस्त्रोला दरवर्षी अधिक उपग्रह प्रक्षेपित करण्याची परवानगी मिळेल.

एनएसआयएलचे अध्यक्ष आणि व्यवस्थापकीय संचालक राधाकृष्णन म्हणाले, “तांत्रिक-व्यावसायिक मूल्यमापन सुरू आहे, त्यानंतर निविदा उघडल्या जातील. आम्हाला आशा आहे की दोन-तीन महिन्यांत संपूर्ण प्रक्रिया पूर्ण होईल.”

सूत्रांकडून असे समजते आहे की या वर्षाच्या अखेरीस करार दिला जाऊ शकतो. निवडलेली संस्था ही परवानाधारक उत्पादक असेल.

जरी इस्रोने अनेक उद्योगाशी जवळून काम केले असले तरी, ही पहिलीच वेळ असेल जेव्हा एखादा उद्योग स्वतंत्रपणे पीएसएलव्ही तयार करेल.

PSLV ने सप्टेंबर १९९३ मध्ये पहिले उड्डाण केले होते आणि २५ वर्षांमध्ये ५० हून अधिक प्रक्षेपण मोहिमा पूर्ण केल्या आहेत. एनएसआयएलचे पुढील पाच वर्षात १०,००० कोटी गुंतवायचे लक्ष आहे.