IPO च्या पावसात गुंतवणूकदार भिजले, आता तब्बल 1300 कोटींचा IPO

फिनटेक फर्म फिनो पेमेंट्स बँकेला सेबीकडून IPO साठी मंजुरी मिळाली आहे. कंपनीने यावर्षी जुलै-अखेरीस IPO साठी कागदपत्रे दाखल केली होती.

पब्लिक इश्यूमध्ये 300 कोटी रुपयांचा फ्रेश इश्यू आणि प्रॉमोटर फिनो पेटेक लिमिटेडद्वारे 1,56,02,999 पर्यंत इक्विटी शेअर्सची OFS उपलब्ध आहे. ऑफरमध्ये कंपनीच्या कर्मचाऱ्यांसाठी 3 कोटी रुपयांच्या शेअर्सचे आरक्षण आहे.

IPO द्वारे कंपनी 1,300 कोटी रुपये उभारण्याची अपेक्षा आहे.

कोणत्याही कंपनीला IPO, फॉलो-ऑन पब्लिक ऑफर (FPO) आणि राईट इश्यू हे पब्लिक इश्यू सुरू करण्यासाठी सेबीचे निरीक्षण आवश्यक आहे.

मर्चंट बँकर्सशी सल्लामसलत करून बँक 60 कोटी रुपयांच्या प्री-IPO प्लेसमेंटचा विचार करू शकते.त्यानुसार फ्रेश इश्यूचा आकार कमी होईल.

ड्राफ्ट पेपरनुसार, बँकेला त्यांच्या भविष्यातील भांडवली गरजा पूर्ण करण्यासाठी IPO आणायचा आहे.

फिनो पेमेंट्स बँक विविध प्रकारची आर्थिक उत्पादने आणि सेवा देते, जी डिजिटल असतात. 2017 पासून ते मार्च 2021 पर्यंत 94 टक्के जिल्ह्यांना बँक कव्हर करते.

आर्थिक वर्ष 2020 च्या चौथ्या तिमाहीत कंपनी नफ्यात होती. याव्यतिरिक्त, आर्थिक वर्ष 20 आणि 2021 मध्ये, कंपनी प्लॅटफॉर्मवर अनुक्रमे 318.56 मिलियन आणि 434.96 मिलियन इतके व्यवहार केले गेले, ज्यांचे एकूण व्यवहार मूल्य अनुक्रमे 94,452.6 कोटी आणि 1,32,930.7 कोटी रुपये होते.

कंपनी ॲसेट मॉडेलवर कार्य करते. इतर डिजिटल पेमेंट कंपन्या पेटीएम आणि मोबिक्विकनेही जुलै 2021 मध्ये DRHP दाखल केली होती, त्यांना मात्र अनुक्रमे 16,600 कोटी आणि 1,900 कोटी रुपये उभारण्यासाठी त्यांच्या IPO साठी सेबीकडून मंजुरी मिळालेली नाही.

ॲक्सिस कॅपिटल, सीएलएसए इंडिया, आयसीआयसीआय सिक्युरिटीज आणि नोमुरा फायनान्शियल ॲडव्हायझरी सर्व्हिसेस या इश्यू साठी मॅनेजर म्हणून काम पाहतात.