आरोग्य क्षेत्रातील ‘ही’ स्टार्टअप बनली युनिकॉर्न, सीरिज E मध्ये उभारला 96 मिलियन डॉलर निधी

हेल्थटेक स्टार्टअप फर्म प्रिस्टिन केअरने सिरीज ई राउंडमध्ये 1.4 डॉलर अब्ज मुल्यांकनात 96 मिलियन डॉलर जमा केले आहे. यामुळे आता फर्म नवीन युनिकॉर्न बनली आहे.

या राऊंडचे नेतृत्व सेक्विया कॅपिटल, टायगर ग्लोबल, विंटर कॅपिटल, एपिक कॅपिटल, हमिंगबर्ड व्हेंचर्स आणि ट्रिफेक्टा कॅपिटल आणि कुणाल शाह, दीपंदर गोयल, अभिराज सिंग भाल आणि वरुण अलघ या गुंतवणूकदारांनी केले.

कंपनी सदर निधीचा वापर पायाभूत सुविधांचे बळकटीकरण आणि आधुनिकीकरण करून तसेच आरोग्य क्षेत्रात सर्जनला प्रशिक्षण देण्यासाठी याबरोबरच उत्पादन आणि तंत्रज्ञान विकसित करण्यासाठी ते भांडवल वापरेल.

कंपनीने जानेवारी 2021 पासून 5X स्केल केले आहे आणि पुढील 12-18 महिन्यांत नफा मिळण्याची कंपनीला अपेक्षा आहे. सध्या, कंपनी 300+ अनुभवी डॉक्टरांच्या पॅनेलसह 150+ क्लिनिक आणि 700+ पार्टनर रुग्णालयांद्वारे कार्यरत आहे.

मार्च 2022 पर्यंत, 50+ शहरे आणि 1000+ सर्जिकल केंद्रांपर्यंत विस्तार वाढवण्याची कंपनीचा योजना आहे, असे कंपनीने एका प्रेस निवेदनात म्हटले आहे.

या वर्षी, भारतीय स्टार्टअप्सनी 2021 च्या 11 महिन्यांत गुंतवणूकदारांकडून 30 अब्ज डॉलरहून अधिक रक्कम जमा केली आहे. पुढे, संपूर्ण दशकभरात 26 युनिकॉर्नच्या तुलनेत यावर्षी भारतातून 40 युनिकॉर्न आले आहेत.